ஆசிரியர் தகுதித்தேர்வில் தேர்ச்சி பெறாத 1500 ஆசிரியர்களுக்கு நீதிமன்ற வழிகாட்டுதல்படி விளக்க கடிதம் கொடுக்கப் போவதாக
பள்ளிக் கல்வித்துறை முடிவெடுத்துள்ளது. இந்த ஆசிரியர்களின் பணிப்பாதுகாப்பை அரசு உறுதி செய்ய வேண்டும் என்று பட்டதாரி ஆசிரியர் கழகம் கேட்டுக் கொண்டுள்ளது. அரசு நிதியுதவி பெறும் பள்ளிகளில் பணி நியமனம் செய்யப்பட்ட 1500 ஆசிரியர்கள், தகுதித் தேர்வில் தேர்ச்சி அடையவில்லை என்பதை காரணம்காட்டி, ஏப்ரல் மாத ஊதியத்தை பள்ளி நிர்வாகங்கள் நிறுத்தி வைத்துள்ளது. இது பெரும் பிரச்னையாக மாறியுள்ளது. ஊதியத்தை நிறுத்தக்கூடாது என்று ஆசிரியர்கள் கோரிக்கை வைத்து வருகின்றனர். இது தொடர்பாக கடந்த 30ம் தேதி பள்ளிக் கல்வித்துறை இயக்குநர் ராமேஸ்வர முருகன் விளக்க கடிதம் ஒன்றை அனைத்து மாவட்ட முதன்மைக் கல்வி அலுவலர்களுக்கும் அனுப்பி வைத்துள்ளார்.
அந்த கடிதம் ஆசிரியர்கள் இடையே மேலும் அச்சத்தை ஏற்படுத்தியுள்ளது.
இதையடுத்து, அந்த ஆசிரியர்களுக்கு பணிப்பாதுகாப்பு ஏற்படுத்திக் கொடுக்க வேண்டும் என்று தமிழ்நாடு உயர்நிலை மேனிலைப் பள்ளி பட்டதாரி ஆசிரியர் கழகம் கேட்டுக் கொண்டுள்ளது. இது தொடர்பாக மேற்கண்ட கழகத்தின் நிறுவனரும், ஜாக்டோ-ஜியோ ஒருங்கிணைப்பாளருமான மாயவன் , மாநிலத் தலைவர் பக்தவச்சலம் ஆகியோர் சென்னையில் நேற்று அளித்த பேட்டி:கடந்த 2009ம் ஆண்டு குழந்தைகளுக்கான கட்டாய கல்வி உரிமைச் சட்டத்தை மத்திய அரசு கொண்டு வந்தது. இந்த சட்டத்தின்படி 23.8.2010க்கு பிறகு ஆசிரியர் தகுதித் தேர்வில் தேர்ச்சி பெற்றவர்களைத்தான் பள்ளிகளில் ஆசிரியர்களாக நியமிக்க வேண்டும் என்று அந்த சட்டம் குறிப்பிடுகிறது. மேலும், ஆசிரியர் தகுதித் தேர்வை ஆண்டுக்கு இரண்டு முறை நடத்த வேண்டும் என்றும் அதில் குறிப்பிடப்பட்டுள்ளது. இந்த சட்டத்தை தமிழகத்தில் அமல்படுத்த வேண்டிய முழு பொறுப்பும் தமிழக அரசையும், பள்ளிக் கல்வித்துறையை சாரும்.
23.8.2010க்கு பிறகு ஆசிரியர் பணியிடங்களுக்கு ஒப்புதல் அளித்த போது அந்த ஆணையில் ஒரு இடத்தில்கூட ஆசிரியர் தகுதித் தேர்வில் தேர்ச்சி பெற வேண்டும் என்று குறிப்பிடப்படவில்லை. தனியார் பள்ளிகளில் ஆசிரியர் பணியிடங்களை நிரப்ப அனுமதி அளிக்கும் போதுகூட ஆசிரியர் தகுதித் தேர்வில் தேர்ச்சி பெற வேண்டும் என்ற நிபந்தனையுடன் அனுமதி அளிக்க வேண்டும் என்று பள்ளிக் கல்வித்துறை கூறுகிறது. ஆனால் 23.8.2010 முதல் 16.11.2012 வரை தனியார் பள்ளிகளில் ஆசிரியர்களை நியமனம் செய்யும்போது, ஆசிரியர் தகுதித் தேர்வில் தேர்ச்சி பெற்றிருக்க வேண்டும் என்று கல்வித்துறை குறிப்பிடவில்லை. அதேபோல ஆண்டுக்கு இரண்டு தகுதித் தேர்வு நடத்த வேண்டும் என்ற விதியும் கடைபிடிக்கவில்லை. 2013க்கு பிறகு ஆசிரியர் தகுதித் தேர்வை நடத்தவில்லை.மேலும் 16.11.2012க்கு பிறகுதான் ஆசிரியர் பணிக்கு தகுதித் தேர்வு அவசியம் என்று பள்ளிக்கல்வித்துறை சுற்றறிக்கை அனுப்பினார்.
எனவே 23.8.2010க்கும் 16.11.2012க்கும் இடைப்பட்ட காலத்தில் பணியில் அமர்த்தப்பட்ட ஆசிரியர்களுக்கும் தகுதித் தேர்வில் இருந்து விலக்கு அளிக்க வேண்டும். அரசு ஆசிரியர்களுக்கு விலக்கு அளித்தது போலவே, இந்த 1500 ஆசிரியர்களுக்கும் விலக்கு அளிக்க வேண்டும். அதற்கான அனைத்து நடவடிக்கைகளும் தமிழக அரசு எடுத்து சுமூக தீர்வு காண வேண்டும். மத்திய மனித வள மேம்பாட்டுத்துறையுடன் தமிழக அரசு தொடர்பு கொண்டு இதற்கான நடவடிக்கை எடுக்க வேண்டும். இதன்மூலம் 1500 ஆசிரியர்களின் பணிப் பாதுகாப்பை உறுதி செய்ய வேண்டும்.
பள்ளிக் கல்வித்துறை முடிவெடுத்துள்ளது. இந்த ஆசிரியர்களின் பணிப்பாதுகாப்பை அரசு உறுதி செய்ய வேண்டும் என்று பட்டதாரி ஆசிரியர் கழகம் கேட்டுக் கொண்டுள்ளது. அரசு நிதியுதவி பெறும் பள்ளிகளில் பணி நியமனம் செய்யப்பட்ட 1500 ஆசிரியர்கள், தகுதித் தேர்வில் தேர்ச்சி அடையவில்லை என்பதை காரணம்காட்டி, ஏப்ரல் மாத ஊதியத்தை பள்ளி நிர்வாகங்கள் நிறுத்தி வைத்துள்ளது. இது பெரும் பிரச்னையாக மாறியுள்ளது. ஊதியத்தை நிறுத்தக்கூடாது என்று ஆசிரியர்கள் கோரிக்கை வைத்து வருகின்றனர். இது தொடர்பாக கடந்த 30ம் தேதி பள்ளிக் கல்வித்துறை இயக்குநர் ராமேஸ்வர முருகன் விளக்க கடிதம் ஒன்றை அனைத்து மாவட்ட முதன்மைக் கல்வி அலுவலர்களுக்கும் அனுப்பி வைத்துள்ளார்.
அந்த கடிதம் ஆசிரியர்கள் இடையே மேலும் அச்சத்தை ஏற்படுத்தியுள்ளது.
இதையடுத்து, அந்த ஆசிரியர்களுக்கு பணிப்பாதுகாப்பு ஏற்படுத்திக் கொடுக்க வேண்டும் என்று தமிழ்நாடு உயர்நிலை மேனிலைப் பள்ளி பட்டதாரி ஆசிரியர் கழகம் கேட்டுக் கொண்டுள்ளது. இது தொடர்பாக மேற்கண்ட கழகத்தின் நிறுவனரும், ஜாக்டோ-ஜியோ ஒருங்கிணைப்பாளருமான மாயவன் , மாநிலத் தலைவர் பக்தவச்சலம் ஆகியோர் சென்னையில் நேற்று அளித்த பேட்டி:கடந்த 2009ம் ஆண்டு குழந்தைகளுக்கான கட்டாய கல்வி உரிமைச் சட்டத்தை மத்திய அரசு கொண்டு வந்தது. இந்த சட்டத்தின்படி 23.8.2010க்கு பிறகு ஆசிரியர் தகுதித் தேர்வில் தேர்ச்சி பெற்றவர்களைத்தான் பள்ளிகளில் ஆசிரியர்களாக நியமிக்க வேண்டும் என்று அந்த சட்டம் குறிப்பிடுகிறது. மேலும், ஆசிரியர் தகுதித் தேர்வை ஆண்டுக்கு இரண்டு முறை நடத்த வேண்டும் என்றும் அதில் குறிப்பிடப்பட்டுள்ளது. இந்த சட்டத்தை தமிழகத்தில் அமல்படுத்த வேண்டிய முழு பொறுப்பும் தமிழக அரசையும், பள்ளிக் கல்வித்துறையை சாரும்.
23.8.2010க்கு பிறகு ஆசிரியர் பணியிடங்களுக்கு ஒப்புதல் அளித்த போது அந்த ஆணையில் ஒரு இடத்தில்கூட ஆசிரியர் தகுதித் தேர்வில் தேர்ச்சி பெற வேண்டும் என்று குறிப்பிடப்படவில்லை. தனியார் பள்ளிகளில் ஆசிரியர் பணியிடங்களை நிரப்ப அனுமதி அளிக்கும் போதுகூட ஆசிரியர் தகுதித் தேர்வில் தேர்ச்சி பெற வேண்டும் என்ற நிபந்தனையுடன் அனுமதி அளிக்க வேண்டும் என்று பள்ளிக் கல்வித்துறை கூறுகிறது. ஆனால் 23.8.2010 முதல் 16.11.2012 வரை தனியார் பள்ளிகளில் ஆசிரியர்களை நியமனம் செய்யும்போது, ஆசிரியர் தகுதித் தேர்வில் தேர்ச்சி பெற்றிருக்க வேண்டும் என்று கல்வித்துறை குறிப்பிடவில்லை. அதேபோல ஆண்டுக்கு இரண்டு தகுதித் தேர்வு நடத்த வேண்டும் என்ற விதியும் கடைபிடிக்கவில்லை. 2013க்கு பிறகு ஆசிரியர் தகுதித் தேர்வை நடத்தவில்லை.மேலும் 16.11.2012க்கு பிறகுதான் ஆசிரியர் பணிக்கு தகுதித் தேர்வு அவசியம் என்று பள்ளிக்கல்வித்துறை சுற்றறிக்கை அனுப்பினார்.
எனவே 23.8.2010க்கும் 16.11.2012க்கும் இடைப்பட்ட காலத்தில் பணியில் அமர்த்தப்பட்ட ஆசிரியர்களுக்கும் தகுதித் தேர்வில் இருந்து விலக்கு அளிக்க வேண்டும். அரசு ஆசிரியர்களுக்கு விலக்கு அளித்தது போலவே, இந்த 1500 ஆசிரியர்களுக்கும் விலக்கு அளிக்க வேண்டும். அதற்கான அனைத்து நடவடிக்கைகளும் தமிழக அரசு எடுத்து சுமூக தீர்வு காண வேண்டும். மத்திய மனித வள மேம்பாட்டுத்துறையுடன் தமிழக அரசு தொடர்பு கொண்டு இதற்கான நடவடிக்கை எடுக்க வேண்டும். இதன்மூலம் 1500 ஆசிரியர்களின் பணிப் பாதுகாப்பை உறுதி செய்ய வேண்டும்.
No comments:
Post a Comment