மத்திய ஆசிரியர் தகுதி தேர்வு, நேற்று முடிந்தது. இதில், ஒரு லட்சம் பேர் எழுதினர்

மத்திய அரசு பள்ளிகள் மற்றும் சி.பி.எஸ்.இ., பள்ளிகளில், ஆசிரியர் பணியில் சேர, மத்திய அரசின் ஆசிரியர் தகுதி தேர்வில் தேர்ச்சி பெற வேண்டும். இந்த தேர்வு, நேற்று நாடு முழுவதும், 3,000க்கும் மேற்பட்ட

மையங்களில் நடந்தது; ஒரு லட்சத்துக்கும் மேற்பட்டவர்கள் பங்கேற்றனர்.தேர்வில் கேட்கப்பட்ட கேள்விகள், எளிதாக இருந்ததாக, தேர்வர்கள் கூறியுள்ளனர். 

இதேபோல், பிளஸ் 2 மாணவர்கள், 'ஆர்கிடெக்ட்' எனும் கட்டட வடிவமைப்பு கலை படிப்பில் சேர்வதற்கான, 'நாட்டா' தேசிய நுழைவு தேர்வின், இரண்டாம் கட்டம், நேற்று நடந்தது. கணினி வழியில், தேர்வுகள் நடத்தப்பட்டன; நேற்று மாலை, இணையதளத்தில் விடை குறிப்பும் வெளியிடப்பட்டது. இதன் முடிவுகள், வரும், 21ல் வெளியாகின்றன.