தாமதமாகும் அகவிலைப்படி உயர்வு வேதனையில் 13 லட்சம் ஊழியர்கள்

தமிழகத்தில் அரசு ஊழியர், ஆசிரியர் மற்றும் குடும்ப ஓய்வூதியர்களுக்கு
வழங்கவேண்டிய அகவிலைப்படி உயர்வை இன்னும் வழங்காமல் இருப்பது வேதனையை ஏற்படுத்தி உள்ளதாக தமிழ்நாடு அனைத்து துறை ஓய்வூதியர் சங்கம் வேண்டுகோள் விடுத்துள்ளது.மத்திய அரசு தனது ஊழியர்களுக்கு கடந்த 2019 ஜனவரி 1 முதல் அகவிலைப்படியை உயர்வை வழங்கியது. மத்திய அரசு உயர்த்தும்போதெல்லாம் அகவிலைப்படியை உயர்த்தும் மாநில அரசு, தற்போது ஏப்ரல் மாதம் ஆகியும் இன்னும் அறிவிப்பு செய்யாமல் காலம் தாழ்த்துகிறது. இதனால் 13 லட்சம் அரசு ஊழியர்களும், 7 லட்சம் ஓய்வூதியர்களும் பாதிப்படைந்துள்ளனர்.இனியும் காலம் தாழ்த்தாமல் உடனடியாக அகவிலைப்படி உயர்வு அறிவிப்பை வெளியிட வேண்டுமென சங்கத்தின் மாநில துணைத் தலைவர் சுந்தரமூர்த்தி கேட்டுள்ளார்.